ستم گر کی نوازش ہو رہی ہے

شہباز شمسی

مری آنکھوں سے بارش ہو رہی ہے

ہمیں وہ دست نازک چھو گیا تھا

بدن میں اب بھی لرزش ہو رہی ہے

سمٹتا جا رہا ہے ہجر تیرا

عذاب جاں سے بخشش ہو رہی ہے

کچھ ایسے آ کے اس نے حال پوچھا

تھمی دھڑکن میں جنبش ہو رہی ہے

تمہارے ہجر کی محفل سجی ہے

تمہارے غم سے پرسش ہو رہی ہے

ارے شہبازؔ کیا لکھنے لگے ہو

قلم پر تیرے بندش ہو رہی ہے

Click on the INTERESTING button to view additional information associated with this sher.

Don’t remind me again

OKAY

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

This ghazal contains ashaar not published in the public domain. These are marked by a red line on the left.

Don’t remind me again

OKAY