sitamgar kī navāzish ho rahī hai
mirī āñkhoñ se bārish ho rahī hai
hameñ vo dast-e-nāzuk chhū gayā thā
badan meñ ab bhī larzish ho rahī hai
simaTtā jā rahā hai hijr terā
azāb-e-jāñ se baḳhshish ho rahī hai
kuchh aise aa ke us ne haal pūchhā
thamī dhaḌkan meñ jumbish ho rahī hai
tumhāre hijr kī mahfil sajī hai
tumhāre ġham se pursish ho rahī hai
are 'shahbāz' kyā likhne lage ho
qalam par tere bandish ho rahī hai
sitamgar ki nawazish ho rahi hai
meri aankhon se barish ho rahi hai
hamein wo dast-e-nazuk chhu gaya tha
badan mein ab bhi larzish ho rahi hai
simaTta ja raha hai hijr tera
azab-e-jaan se baKHshish ho rahi hai
kuchh aise aa ke us ne haal puchha
thami dhaDkan mein jumbish ho rahi hai
tumhaare hijr ki mahfil saji hai
tumhaare gham se pursish ho rahi hai
are 'shahbaz' kya likhne lage ho
qalam par tere bandish ho rahi hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.