siyah hai dil-e-giti siyah-tar ho jae

siyāh hai dil-e-gītī siyāh-tar ho jaa.e

ḳhudā kare ki har ik shaam be-sahar ho jaa.e

kuchh is ravish se chale bād-e-barg-e-rez-e-ḳhizāñ

ki duur tak saf-e-ashjār be-samar ho jaa.e

bajā.e rañg rag-e-ġhunchā se lahū Tapke

khile jo phuul to har barg-e-gul sharar ho jaa.e

zamāna pī to rahā hai sharāb-e-dānish ko

ḳhudā kare ki yahī zahr kārgar ho jaa.e

koī qadam na uThe sū-e-manzil-e-maqsūd

duā karo ki har ik raah pur-ḳhatar ho jaa.e

ye log rah-guzar-e-zīst se bhaTak jaa.eñ

ajal qavāfil-e-hastī kī ham-safar ho jaa.e

ba-qadr yak-do-nafs bhī girāñ hai zahmat-e-zīst

hayāt-e-nau-e-bashar aur muḳhtasar ho jaa.e

siyah hai dil-e-giti siyah-tar ho jae

KHuda kare ki har ek sham be-sahar ho jae

kuchh is rawish se chale baad-e-barg-e-rez-e-KHizan

ki dur tak saf-e-ashjar be-samar ho jae

bajae rang rag-e-ghuncha se lahu Tapke

khile jo phul to har barg-e-gul sharar ho jae

zamana pi to raha hai sharab-e-danish ko

KHuda kare ki yahi zahr kargar ho jae

koi qadam na uThe su-e-manzil-e-maqsud

dua karo ki har ek rah pur-KHatar ho jae

ye log rah-guzar-e-zist se bhaTak jaen

ajal qawafil-e-hasti ki ham-safar ho jae

ba-qadr yak-do-nafs bhi giran hai zahmat-e-zist

hayat-e-nau-e-bashar aur muKHtasar ho jae