siyah hai dil-e-giti siyah-tar ho jae

siyāh hai dil-e-gītī siyāh-tar ho jaa.e

ḳhudā kare ki har ik shaam be-sahar ho jaa.e

kuchh is adā se chale bād-e-barg-rez ḳhizāñ

ki duur tak saf-e-ashjār be-samar ho jaa.e

bajā.e rañg rag-e-ġhuncha se lahū Tapke

khile jo phuul to har barg-e-gul sharar ho jaa.e

paḌe jo haath chaman meñ ba-qasd-e-gul-chīnī

misāl-e-panja-e-qassāb ḳhuuñ meñ tar ho jaa.e

faroġh-e-mahr se ho iḳhtilāj-e-qalb-e-fuzūñ

bahāna-e-ḳhafaqāñ jalva-e-qamar ho jaa.e

zamāna pī to rahā hai sharāb dānish ko

ajab nahīñ ki yahī zahr kārgar ho jaa.e

koī qadam na uThe sū-e-manzil-e-maqsūd

duā ye kar ki har ik raah pur-ḳhatar ho jaa.e

siyah hai dil-e-giti siyah-tar ho jae

KHuda kare ki har ek sham be-sahar ho jae

kuchh is ada se chale baad-e-barg-rez KHizan

ki dur tak saf-e-ashjar be-samar ho jae

bajae rang rag-e-ghuncha se lahu Tapke

khile jo phul to har barg-e-gul sharar ho jae

paDe jo hath chaman mein ba-qasd-e-gul-chini

misal-e-panja-e-qassab KHun mein tar ho jae

farogh-e-mahr se ho iKHtilaj-e-qalb-e-fuzun

bahana-e-KHafaqan jalwa-e-qamar ho jae

zamana pi to raha hai sharab danish ko

ajab nahin ki yahi zahr kargar ho jae

koi qadam na uThe su-e-manzil-e-maqsud

dua ye kar ki har ek rah pur-KHatar ho jae