سیاہ رات میں اک آسمان آ کے گرا

سیاہ رات میں اک آسمان آ کے گرا

پھر اس کے بعد تو سارا جہان آ کے گرا

میں موج موج میں پیاسا لہو لہو کا تھا

وہ تشنہ کام مرے درمیان آ کے گرا

بکھرتے ٹوٹتے لمحوں کا رقص جاری تھا

بس اس کے بیچ کوئی مہربان آ کے گرا

ہر ایک کھڑکی میں کتنے دہکتے سورج تھے

ہمارے خواب میں کیسا مکان آ کے گرا

نہ مجھ میں صبح تھی کوئی نہ شام ہی ٹھہری

شب خیال کا اک اک نشان آ کے گرا

دیار شب میں ہر اک چہرا بے نشاں تھا مگر

نواح جاں میں یہ کس کا نشان آ کے گرا

میں خواب چھوڑ کے نکلا تھا اس سے ملنے کو

چلا تھا دو ہی قدم سائبان آ کے گرا

میں اپنی ذات کی پہنائیوں میں کھویا تھا

کسے خبر کہاں اس کا گمان آ کے گرا

نمود شوق کا ہر رنگ دیکھنا تھا مجھے

اسی لئے تو ترے درمیان آ کے گرا

مری نگاہ میں کیسے سلگتے خیمے ہیں

پس شعور عجب امتحان آ کے گرا