siyah-raat pasheman hai ham-rakabi se
siyāh-rāt pashemāñ hai ham-rakābī se
vo raushnī hai tire ġham kī māhtābī se
sabā ke haath hai ab izzat-e-nigāh mirī
chaman mahakne lagā gul kī be-hijābī se
farār un se hai mushkil vo dastaras meñ nahīñ
ye zard zard se mausam vo din gulābī se
lahū lahū nazar aatī hai shāḳh-e-gul mujh ko
khile vo phuul tirī taaza inqilābī se
ajab nahīñ hai ki pā jaa.eñ qāfile manzil
hamāre naqsh-e-qadam kī sitāra-tābī se
koī kitāb jo kholeñ to kyā paḌheñ 'fāḳhir'
khulīñ nigāh meñ chehre agar kitābī se
siyah-raat pasheman hai ham-rakabi se
wo raushni hai tere gham ki mahtabi se
saba ke hath hai ab izzat-e-nigah meri
chaman mahakne laga gul ki be-hijabi se
farar un se hai mushkil wo dastaras mein nahin
ye zard zard se mausam wo din gulabi se
lahu lahu nazar aati hai shaKH-e-gul mujh ko
khile wo phul teri taza inqilabi se
ajab nahin hai ki pa jaen qafile manzil
hamare naqsh-e-qadam ki sitara-tabi se
koi kitab jo kholen to kya paDhen 'faKHir'
khulin nigah mein chehre agar kitabi se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
