siyah shaal pe jo ashk kaDhta hoga

siyāh shaal pe jo ashk kāḌhtā hogā

kise ḳhabar thī use mujh se mas.ala hogā

jo mere hote bichhaḌne kī baat kartā thā

mirī judā.ī meñ ik baar ro diyā hogā

zamīñ pe phaile ye kāġhaz gavāhī dete haiñ

vo kuchh na kuchh to mire naam likh rahā hogā

fazā udaas hai mahtāb hai malūl ki ab

vo zard chehre ko hāthoñ meñ bhar rahā hogā

maiñ is liye bhī bahut mutma.in thī duurī se

vo duur hogā magar mujh ko dekhtā hogā

mujhe bhī dūsre kāñdhe ne kuchh sahārā diyā

kahīñ se mauqa use bhī to mil gayā hogā

siyah shaal pe jo ashk kaDhta hoga

kise KHabar thi use mujh se masala hoga

jo mere hote bichhaDne ki baat karta tha

meri judai mein ek bar ro diya hoga

zamin pe phaile ye kaghaz gawahi dete hain

wo kuchh na kuchh to mere nam likh raha hoga

faza udas hai mahtab hai malul ki ab

wo zard chehre ko hathon mein bhar raha hoga

main is liye bhi bahut mutmain thi duri se

wo dur hoga magar mujh ko dekhta hoga

mujhe bhi dusre kandhe ne kuchh sahaara diya

kahin se mauqa use bhi to mil gaya hoga