siyahi dhup mein hai baat kya hai
siyāhī dhuup meñ hai baat kyā hai
agar ye sub.h hai to raat kyā hai
hasīñ ho chāñd kitnā bhī par us kī
tumhāre sāmne auqāt kyā hai
khaḌe haiñ haath meñ kashkol le kar
nahīñ ma.alūm ki ḳhairāt kyā hai
jhaTakiye to zarā zulfeñ ye bhīgī
ye dil pūchhe hai ki barsāt kyā hai
hai jiitā dil ko baazī haar kar bhī
mohabbat hai to shah aur maat kyā hai
mohabbat ke mohalle se huuñ aayā
na pūchho mujh se merī zaat kyā hai
siyahi dhup mein hai baat kya hai
agar ye subh hai to raat kya hai
hasin ho chand kitna bhi par us ki
tumhaare samne auqat kya hai
khaDe hain hath mein kashkol le kar
nahin malum ki KHairaat kya hai
jhaTakiye to zara zulfen ye bhigi
ye dil puchhe hai ki barsat kya hai
hai jita dil ko bazi haar kar bhi
mohabbat hai to shah aur mat kya hai
mohabbat ke mohalle se hun aaya
na puchho mujh se meri zat kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
