siyasat mein adakari to pahle se bhi baDh kar hai
siyāsat meñ adākārī to pahle se bhī baḌh kar hai
har ik leader meñ makkārī to pahle se bhī baḌh kar hai
koī bhī kaam āsānī se ho jaa.e nahīñ mumkin
har ik daftar meñ dushvārī to pahle se bhī baḌh kar hai
karoḌoñ kā hai Thekā ḳharch hote haiñ magar lākhoñ
ye bandar-bāñT sarkārī to pahle se bhī baḌh kar hai
har ik leader kā da.avā hai taraqqī mulk ne kar lī
vatan meñ bhuuk bekārī to pahle se bhī baḌh kar hai
kisī daftar meñ tum jaao sabhī jebeñ TaToleñge
ki har-sū luuT sarkārī to pahle se bhī baḌh kar hai
bane qānūn haiñ 'parvez' kitne fā.eda kyā hai
vatan meñ chor-bāzārī to pahle se bhī baḌh kar hai
siyasat mein adakari to pahle se bhi baDh kar hai
har ek leader mein makkari to pahle se bhi baDh kar hai
koi bhi kaam aasani se ho jae nahin mumkin
har ek daftar mein dushwari to pahle se bhi baDh kar hai
karoDon ka hai Theka KHarch hote hain magar lakhon
ye bandar-banT sarkari to pahle se bhi baDh kar hai
har ek leader ka dawa hai taraqqi mulk ne kar li
watan mein bhuk bekari to pahle se bhi baDh kar hai
kisi daftar mein tum jao sabhi jeben TaTolenge
ki har-su luT sarkari to pahle se bhi baDh kar hai
bane qanun hain 'parwez' kitne faeda kya hai
watan mein chor-bazari to pahle se bhi baDh kar hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
