so ab diwar ke andar se phir ek dar nikalungi

so ab dīvār ke andar se phir ik dar nikālūñgī

maiñ apnī chashm-e-bīnā se na.e manzar nikālūñgī

hasīñ ḳhvāboñ kī sūrat jo mirī āñkhoñ kī zīnat haiñ

zamāna dekhtā hogā maiñ vo gauhar nikālūñgī

tumhāre hijr kī sūrat jo is siine ke andar hai

agar kuchh ban paḌā mujh se to vo patthar nikālūñgī

maiñ ḳhud ko kheñch lā.ūñgī añdherī raat meñ ik din

inhī tārīk rastoñ par maiñ apnā Dar nikālūñgī

tumhārī dastaras se jo nikal paa.ī kisī lamhe

mujhe tum dekhte rahnā maiñ kaise par nikālūñgī

so ab diwar ke andar se phir ek dar nikalungi

main apni chashm-e-bina se nae manzar nikalungi

hasin KHwabon ki surat jo meri aankhon ki zinat hain

zamana dekhta hoga main wo gauhar nikalungi

tumhaare hijr ki surat jo is sine ke andar hai

agar kuchh ban paDa mujh se to wo patthar nikalungi

main KHud ko khench laungi andheri raat mein ek din

inhi tarik raston par main apna Dar nikalungi

tumhaari dastaras se jo nikal pai kisi lamhe

mujhe tum dekhte rahna main kaise par nikalungi