so ke jab wo nigar uThta hai

so ke jab vo nigār uThtā hai

misl-e-abr-e-bahār uThtā hai

terī āñkhoñ ke āsare ke baġhair

kab ġham-e-rozgār uThtā hai

do ghaḌī aur dil lubhātā jā

kyuuñ ḳhafā ho ke yaar uThtā hai

aise jaatī hai zindagī kī umiid

jaise pahlū se yaar uThtā hai

zindagī shirkatoñ se chaltī hai

kis se tanhā ye baar uThtā hai

jo bhī uThtā hai us kī mahfil se

ḳhasta o dil-figār uThtā hai

aaj kī raat ḳhair se guzre

dard-e-dil baar baar uThtā hai

aao kuchh zindagī ke naaz saheñ

kis se tanhā ye baar uThtā hai

hosh meñ ho to mai-kade se 'adam'

kab koī bāda-ḳhvār uThtā hai

so ke jab wo nigar uThta hai

misl-e-abr-e-bahaar uThta hai

teri aankhon ke aasare ke baghair

kab gham-e-rozgar uThta hai

do ghaDi aur dil lubhata ja

kyun KHafa ho ke yar uThta hai

aise jati hai zindagi ki umid

jaise pahlu se yar uThta hai

zindagi shirkaton se chalti hai

kis se tanha ye bar uThta hai

jo bhi uThta hai us ki mahfil se

KHasta o dil-figar uThta hai

aaj ki raat KHair se guzre

dard-e-dil bar bar uThta hai

aao kuchh zindagi ke naz sahen

kis se tanha ye bar uThta hai

hosh mein ho to mai-kade se 'adam'

kab koi baada-KHwar uThta hai