soch di hai jawab bhi de
soch dī hai javāb bhī de
kuchh to yārab hisāb bhī de
qatra qatra sharāb barse
thoḌā thoḌā azaab bhī de
chāhatoñ ke to silsile haiñ
mausamoñ kā shabāb bhī de
ik kinārā hai dūsrā bhī
pāniyoñ meñ habāb bhī de
jis ke kāñTe bhī mujh ko chūmeñ
koī aisā gulāb bhī de
dhuup hañstī hai vāhime bhī
tīrgī de sarāb bhī de
aag bastī kā rahne vaalā
rañg-e-gardish-e-sahāb bhī de
lamhe-bhar meñ hazār ḳhvāhish
banda-parvar javāb bhī de
mohabbatoñ kā azaab jhelūñ
nafratoñ kā savāb bhī de
terā merā hisāb kaisā
ḳhvāb huuñ aur ḳhvāb bhī de
kun to merā vajūd hai huuñ
lafz utreñ ḳhitāb bhī de
maiñ payambar nahīñ huuñ tauba
aañkh dī hai kitāb bhī de
maiñ to apne tavāf meñ huuñ
rāh-e-ḳhāna-ḳharāb bhī de
soch di hai jawab bhi de
kuchh to yarab hisab bhi de
qatra qatra sharab barse
thoDa thoDa azab bhi de
chahaton ke to silsile hain
mausamon ka shabab bhi de
ek kinara hai dusra bhi
paniyon mein habab bhi de
jis ke kanTe bhi mujh ko chumen
koi aisa gulab bhi de
dhup hansti hai wahime bhi
tirgi de sarab bhi de
aag basti ka rahne wala
rang-e-gardish-e-sahab bhi de
lamhe-bhar mein hazar KHwahish
banda-parwar jawab bhi de
mohabbaton ka azab jhelun
nafraton ka sawab bhi de
tera mera hisab kaisa
KHwab hun aur KHwab bhi de
kun to mera wajud hai hun
lafz utren KHitab bhi de
main payambar nahin hun tauba
aankh di hai kitab bhi de
main to apne tawaf mein hun
rah-e-KHana-KHarab bhi de
- Book : Harf hale (Pg. 42)
- Author : Aazam Khurshiid
- Publication : Lodhi Publishers
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
