soch ke gumbad mein ubhri TuTti yaadon ki gunj

soch ke gumbad meñ ubhrī TūTtī yādoñ kī guuñj

merī aahaT sun ke jaagī saikaḌoñ qadmoñ kī guuñj

aañkh meñ bikhrā huā hai jāgte ḳhvāboñ kā rañg

kaan meñ simTī huī hai bhāgte sāyoñ kī guuñj

jaane kyā kyā dā.ere bante haiñ mere zehan meñ

kaañp uThtā huuñ maiñ sun kar TūTte shīshoñ kī guuñj

rañg meñ Duubā huā hai qarya-e-chashm-e-ḳhayāl

bām-o-dar se phūTtī hai ḳhushnumā chehroñ kī guuñj

jaate jaate aaj 'amjad' paañv patthar ho ga.e

haath par mere girī jab nargisī āñkhoñ kī guuñj

soch ke gumbad mein ubhri TuTti yaadon ki gunj

meri aahaT sun ke jagi saikaDon qadmon ki gunj

aankh mein bikhra hua hai jagte KHwabon ka rang

kan mein simTi hui hai bhagte sayon ki gunj

jaane kya kya daere bante hain mere zehan mein

kanp uThta hun main sun kar TuTte shishon ki gunj

rang mein Duba hua hai qarya-e-chashm-e-KHayal

baam-o-dar se phuTti hai KHushnuma chehron ki gunj

jate jate aaj 'amjad' panw patthar ho gae

hath par mere giri jab nargisi aankhon ki gunj