socha hai ki bikne ko main bazar mein aaun

sochā hai ki bikne ko maiñ bāzār meñ aa.uuñ

do chaar hasīnoñ se mulāqāt to hogī

yūsuf na sahī misr ke bāzār meñ becho

maiñ bik na sakā phir bhī kuchh auqāt to hogī

thāne se mujhe aaj hī aayā hai bulāvā

kuchh din hī sahī muft mudārāt to hogī

maiñ vaqt kā mansūr huuñ ho mujh ko ijāzat

nā'ra to nahīñ thoḌī munājāt to hogī

ab qudratī āfāt se maḳhlūq maregī

kīḌoñ ke liye gosht kī bohtāt to hogī

māyūs to huuñ phir bhī nayā-pan koī DhūñDūñ

nau-roz na ho phir bhī na.ī raat to hogī

sahrāoñ meñ bhaTkā huuñ sarāboñ kā huuñ maarā

ummīd magar hai kabhī barsāt to hogī

kuchh aise kiye kaam bahut naam rahegā

bātoñ meñ baḌe logoñ kī ab baat to hogī

socha hai ki bikne ko main bazar mein aaun

do chaar hasinon se mulaqat to hogi

yusuf na sahi misr ke bazar mein becho

main bik na saka phir bhi kuchh auqat to hogi

thane se mujhe aaj hi aaya hai bulawa

kuchh din hi sahi muft mudaraat to hogi

main waqt ka mansur hun ho mujh ko ijazat

na'ra to nahin thoDi munajat to hogi

ab qudrati aafat se maKHluq maregi

kiDon ke liye gosht ki bohtat to hogi

mayus to hun phir bhi naya-pan koi DhunDun

nau-roz na ho phir bhi nai raat to hogi

sahraon mein bhaTka hun sarabon ka hun mara

ummid magar hai kabhi barsat to hogi

kuchh aise kiye kaam bahut nam rahega

baaton mein baDe logon ki ab baat to hogi