socha nahin tha jaisa nazara hua badan

sochā nahīñ thā jaisā nazārā huā badan

ya.anī falak ke naam sitārā huā badan

ilm-o-hunar se aap nikhārā huā badan

kitnā sañvāriyegā sañvārā huā badan

aayā na koī kaam nakārā huā badan

apnī vajūdiyat kā utārā huā badan

bāzī-e-zīst jaan se haarā huā badan

as.hāb-e-husn ab se tumhārā huā badan

hogā ḳhudā kisī kī hifāzat ke vāste

mere liye to merā sahārā huā badan

hairat-zada hai aa.ine ko dekh rū-ba-rū

sau sūratoñ se ek sañvārā huā badan

chashm-e-ġhazāl hoñT kañval haa.e nā jī nā

merā badan na ho ke ishāra huā badan

socha nahin tha jaisa nazara hua badan

yani falak ke nam sitara hua badan

ilm-o-hunar se aap nikhaara hua badan

kitna sanwariyega sanwara hua badan

aaya na koi kaam nakara hua badan

apni wajudiyat ka utara hua badan

bazi-e-zist jaan se haara hua badan

ashab-e-husn ab se tumhaara hua badan

hoga KHuda kisi ki hifazat ke waste

mere liye to mera sahaara hua badan

hairat-zada hai aaine ko dekh ru-ba-ru

sau suraton se ek sanwara hua badan

chashm-e-ghazal honT kanwal hae na ji na

mera badan na ho ke ishaara hua badan