sochta hun ki kya kiya ab tak

sochtā huuñ ki kyā kiyā ab tak

jiite rahne se kyā milā ab tak

ek muddat se jī rahā huuñ bas

kuchh bhī hāsil nahīñ huā ab tak

aaj ko chhoḌ fikr meñ kal kī

kaise kyā jaane jī liyā ab tak

saare logoñ kī bāteñ suntā rahā

ḳhud kā kahnā nahīñ sunā ab tak

hosh uḌte haiñ jab miyāñ bachche

pūchhte haiñ ki kyā kiyā ab tak

ik zamāne se hai talāsh magar

mil na paayā mujhe ḳhudā ab tak

dukh to is baat kā 'm'āle' hai

kuchh nahīñ ḳhaas kar sakā ab tak

sochta hun ki kya kiya ab tak

jite rahne se kya mila ab tak

ek muddat se ji raha hun bas

kuchh bhi hasil nahin hua ab tak

aaj ko chhoD fikr mein kal ki

kaise kya jaane ji liya ab tak

sare logon ki baaten sunta raha

KHud ka kahna nahin suna ab tak

hosh uDte hain jab miyan bachche

puchhte hain ki kya kiya ab tak

ek zamane se hai talash magar

mil na paya mujhe KHuda ab tak

dukh to is baat ka 'm'ale' hai

kuchh nahin KHas kar saka ab tak