sochta hun main ki socha jae kya

sochtā huuñ maiñ ki sochā jaa.e kyā

kyā na dekhe aur dekhā jaa.e kyā

raushnī hotī to koī baat thī

is añdhere ghar meñ DhūñDhā jaa.e kyā

dhund ke us paar kuchh halchal to hai

koī samjhā.e ki samjhā jaa.e kyā

ḳhauf aur vahshat ke is bāzār meñ

kyā ḳharīdeñ aur bechā jaa.e kyā

kuchh natīja hī nazar aatā nahīñ

mas.aloñ se ab na uljhā jaa.e kyā

bhiiḌ ke qadmoñ tale rauñdā gayā

ab use murda hī maanā jaa.e kyā

saal kā ye āḳhirī din hai 'ḳhayāl'

yaad ise rakh leñ ki bhūlā jaa.e kyā

sochta hun main ki socha jae kya

kya na dekhe aur dekha jae kya

raushni hoti to koi baat thi

is andhere ghar mein DhunDha jae kya

dhund ke us par kuchh halchal to hai

koi samjhae ki samjha jae kya

KHauf aur wahshat ke is bazar mein

kya KHariden aur becha jae kya

kuchh natija hi nazar aata nahin

masalon se ab na uljha jae kya

bhiD ke qadmon tale raunda gaya

ab use murda hi mana jae kya

sal ka ye aaKHiri din hai 'KHayal'

yaad ise rakh len ki bhula jae kya