sochte hain yar ke hi sar pe war den tujhe

sochte haiñ yaar ke hī sar pe vaar deñ tujhe

zindagī guzārne ko ham guzār deñ tujhe

ham to chāhte haiñ tujh ko dil meñ hī utaar deñ

dil to chāhtā hai apnā aur pyaar deñ tujhe

kyuuñ badal gayā hai tū kyā huā hai yaar jī

dil se apne aaj ham kyuuñ utaar deñ tujhe

ruk hamāre paas tū do ghaḌī ke vāste

mil hamārī zindagī ham sañvār deñ tujhe

baar baar naam leñ pyaar se yuuñ aap kā

sochte haiñ ham sadā baar baar deñ tujhe

kyuuñ 'vaqās' ham tujhe jaan jī kaheñ yahāñ

fāltū hai pyaar kyā be-shumār deñ tujhe

sochte hain yar ke hi sar pe war den tujhe

zindagi guzarne ko hum guzar den tujhe

hum to chahte hain tujh ko dil mein hi utar den

dil to chahta hai apna aur pyar den tujhe

kyun badal gaya hai tu kya hua hai yar ji

dil se apne aaj hum kyun utar den tujhe

ruk hamare pas tu do ghaDi ke waste

mil hamari zindagi hum sanwar den tujhe

bar bar nam len pyar se yun aap ka

sochte hain hum sada bar bar den tujhe

kyun 'waqas' hum tujhe jaan ji kahen yahan

faltu hai pyar kya be-shumar den tujhe