sog hum apni tabahi ka manane lag jaen

sog ham apnī tabāhī kā manāne lag jaa.eñ

itne TuuTe bhī nahīñ haiñ ki Thikāne lag jaa.eñ

is liye ḳhud ko tire dar se juḌā rakkhā hai

kam se kam ishq ki ādāb to aane lag jaa.eñ

ham se kuchh log jo zinda na rakheñ raushaniyāñ

raushnī vaale charāġh apne bujhāne lag jaa.eñ

ham ne is umr meñ jo dard uThā rakkhe haiñ

aap agar sochne baiTheñ to zamāne lag jaa.eñ

phir to maiñ bolne lag jā.ūñgā sūraj ke ḳhilāf

chand jugnū jo mire haath meñ aane lag jaa.eñ

tū ne irshād kī ulfat kā bharam toḌā hai

jā tire pīchhe ka.ī aur divāne lag jaa.eñ

sog hum apni tabahi ka manane lag jaen

itne TuTe bhi nahin hain ki Thikane lag jaen

is liye KHud ko tere dar se juDa rakkha hai

kam se kam ishq ki aadab to aane lag jaen

hum se kuchh log jo zinda na rakhen raushaniyan

raushni wale charagh apne bujhane lag jaen

hum ne is umr mein jo dard uTha rakkhe hain

aap agar sochne baiThen to zamane lag jaen

phir to main bolne lag jaunga suraj ke KHilaf

chand jugnu jo mere hath mein aane lag jaen

tu ne irshad ki ulfat ka bharam toDa hai

ja tere pichhe kai aur diwane lag jaen