سوئی حسرت جگا گیا کوئی
خواب مجھ کو دکھا گیا کوئی
چاند بھی اب نہیں رہا دل کش
کس قدر دل لبھا گیا کوئی
بعد مدت کے آنکھ یوں روئی
مجھ کو دریا بنا گیا کوئی
آج سیکھی ہے دوستی میں نے
جان مجھ پر لٹا گیا کوئی
وہ سمجھتے تھے مجھ کو لا ثانی
آئنہ پھر دکھا گیا کوئی
اس نے پوچھا تھا میری قیمت کو
دام اس کا لگا گیا کوئی
آج شمشیرؔ پھر پریشاں ہے
در سے بھوکا چلا گیا کوئی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
