sona chandi hi na lae ho na gauhar lae

sonā chāñdī hī na laa.e ho na gauhar laa.e

jā ke tum chāñd se laa.e bhī to patthar laa.e

kaun sā kaam hai dushvār tasavvur ke liye

ye agar chāhe to chullū meñ samundar laa.e

vaqt kyā shai hai ḳhudāyā tirī rahmat kyā shai

log kahte haiñ ki har chiiz muqaddar laa.e

aur kuchh bhī to nahīñ paas duāoñ ke sivā

ham tire vāste jo bhī thā mayassar laa.e

ishq meñ jaan kā denā bhī abas bāteñ haiñ

ishq meñ toḌ ke koī bhī na aḳhtar laa.e

fā.ede ham hī uThā paa.e na rab to varna

apne bandoñ ke liye saiñkaḌoñ avsar laa.e

pyaar kuchh aur hī hai chiiz itā.at kuchh aur

jo mohabbat se mile vo na takabbur laa.e

yuuñ to gun-gān tire hote haiñ ghar ghar lekin

koī ab ghar meñ na baapū tire bandar laa.e

go tumhārī bhī ġhazal umda hai 'parvāz' magar

aaj kuchh sho.arā ġhazal tum se bhī behtar laa.e

sona chandi hi na lae ho na gauhar lae

ja ke tum chand se lae bhi to patthar lae

kaun sa kaam hai dushwar tasawwur ke liye

ye agar chahe to chullu mein samundar lae

waqt kya shai hai KHudaya teri rahmat kya shai

log kahte hain ki har chiz muqaddar lae

aur kuchh bhi to nahin pas duaon ke siwa

hum tere waste jo bhi tha mayassar lae

ishq mein jaan ka dena bhi abas baaten hain

ishq mein toD ke koi bhi na aKHtar lae

faede hum hi uTha pae na rab to warna

apne bandon ke liye sainkaDon awsar lae

pyar kuchh aur hi hai chiz itaat kuchh aur

jo mohabbat se mile wo na takabbur lae

yun to gun-gan tere hote hain ghar ghar lekin

koi ab ghar mein na bapu tere bandar lae

go tumhaari bhi ghazal umda hai 'parwaz' magar

aaj kuchh shoara ghazal tum se bhi behtar lae