sone deta nahin shab bhar dil-e-bimar mujhe

sone detā nahīñ shab bhar dil-e-bīmār mujhe

dard ne uTh ke pukārā hai ka.ī baar mujhe

chal ke zālim na dikhā shoḳhī-e-raftār mujhe

nazar aate haiñ qayāmat ke sab āsār mujhe

qabr par jab mirī aate haiñ to ro dete haiñ

baad marne ke vo samjhe haiñ vafādār mujhe

aap se aa.e the mahfil meñ tirī o zālim

haa.e ab aap meñ aanā huā dushvār mujhe

vo añdherā hai shab-e-hijr ki dam ghuTtā hai

zulf ban ban ke satātī hai shab-e-tār mujhe

maiñ rahūñ yā na rahūñ itnī ijāzat de do

ki paḌā rahne deñ darbāñ pas-e-dīvār mujhe

jab kamar jhuk ga.ī phir ziist kī ummīd kahāñ

kyā sañbhālegī ye girtī huī dīvār mujhe

sone deta nahin shab bhar dil-e-bimar mujhe

dard ne uTh ke pukara hai kai bar mujhe

chal ke zalim na dikha shoKHi-e-raftar mujhe

nazar aate hain qayamat ke sab aasar mujhe

qabr par jab meri aate hain to ro dete hain

baad marne ke wo samjhe hain wafadar mujhe

aap se aae the mahfil mein teri o zalim

hae ab aap mein aana hua dushwar mujhe

wo andhera hai shab-e-hijr ki dam ghuTta hai

zulf ban ban ke satati hai shab-e-tar mujhe

main rahun ya na rahun itni ijazat de do

ki paDa rahne den darban pas-e-diwar mujhe

jab kamar jhuk gai phir zist ki ummid kahan

kya sanbhaalegi ye girti hui diwar mujhe