sote hain hum zamin par kya KHak zindagi hai
![Mushafi Ghulam Hamdani Mushafi Ghulam Hamdani](https://rekhta.pc.cdn.bitgravity.com/Images/Shayar/round/mushafi-ghulam-hamdani.png)
sote hain hum zamin par kya KHak zindagi hai
Mushafi Ghulam Hamdani
MORE BYMushafi Ghulam Hamdani
sote haiñ ham zamīñ par kyā ḳhaak zindagī hai
maaTī meñ san rahe haiñ nāpāk zindagī hai
ġhair-az-libās-e-zāhir sūrat na pakḌe ma.anī
tasvīr ke varaq par poshāk zindagī hai
sar kaaT kar na merā fitrāk se lagāve
samjhe agar vo us kī fitrāk zindagī hai
kyūñ-kar kare na har-dam qat-e-manāzil-e-umr
teġh-e-zabāñ se apnī chālāk zindagī hai
jiite haiñ dekh kar ham zulf-e-siyah ko us kī
afyūniyoñ kī jaise tiryāk zindagī hai
de vasl kā tū va.ada jhūTā unhoñ ko jā kar
is baat se jinhoñ kī imlāk zindagī hai
ma.anī niyāz ke ik nikleñ haiñ bas-ki is meñ
al-hamd meñ hamārī iyyāk zindagī hai
gar naak ho na muñh par kyā lutf zindagī kā
insān ke badan meñ ye naak zindagī hai
do din meñ aa rahe hai ḳhat kā javāb vaañ se
ai 'mus.hafī' hamārī ye Daak zindagī hai
sote hain hum zamin par kya KHak zindagi hai
maTi mein san rahe hain napak zindagi hai
ghair-az-libas-e-zahir surat na pakDe mani
taswir ke waraq par poshak zindagi hai
sar kaT kar na mera fitrak se lagawe
samjhe agar wo us ki fitrak zindagi hai
kyun-kar kare na har-dam qat-e-manazil-e-umr
tegh-e-zaban se apni chaalak zindagi hai
jite hain dekh kar hum zulf-e-siyah ko us ki
afyuniyon ki jaise tiryak zindagi hai
de wasl ka tu wada jhuTa unhon ko ja kar
is baat se jinhon ki imlak zindagi hai
mani niyaz ke ek niklen hain bas-ki is mein
al-hamd mein hamari iyyak zindagi hai
gar nak ho na munh par kya lutf zindagi ka
insan ke badan mein ye nak zindagi hai
do din mein aa rahe hai KHat ka jawab wan se
ai 'mushafi' hamari ye Dak zindagi hai
- Book : kulliyat-e-mas.hafii(divan-e-soom) (Pg. 239)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.