soz-e-dil se pur-nam ho gai
soz-e-dil se pur-nam ho ga.ī
ab to ye ātish bhī shabnam ho ga.ī
jab tabī'at ḳhūgar-e-ġham ho ga.ī
rafta rafta har ḳhalish kam ho ga.ī
zaḳhm dil ke ho chuke the lā-'ilāj
ik nigāh-e-lutf marham ho ga.ī
hai mohabbat kā ye me.arāj-e-kamāl
zindagī ḳhud tishna-e-ġham ho ga.ī
kar chuke haiñ un se ham ahd-o-vafā
aur ye zanjīr mohkam ho ga.ī
ġham pe thā saarā madār-e-zindagī
ġham huā kam to ḳhushī kam ho ga.ī
vo sitam kar ke pashemāñ jab hue
sharm se gardan mirī ḳham ho ga.ī
dekhnā mere tasavvur kā kamāl
ārzū-e-dil mujassam ho ga.ī
der tak milte rahe qalb-o-nazar
guftugū kuchh aaj bāham ho ga.ī
chheḌ denā ho gayā 'shankar' sitam
zulf un kī aur barham ho ga.ī
soz-e-dil se pur-nam ho gai
ab to ye aatish bhi shabnam ho gai
jab tabi'at KHugar-e-gham ho gai
rafta rafta har KHalish kam ho gai
zaKHm dil ke ho chuke the la-'ilaj
ek nigah-e-lutf marham ho gai
hai mohabbat ka ye mearaj-e-kamal
zindagi KHud tishna-e-gham ho gai
kar chuke hain un se hum ahd-o-wafa
aur ye zanjir mohkam ho gai
gham pe tha sara madar-e-zindagi
gham hua kam to KHushi kam ho gai
wo sitam kar ke pasheman jab hue
sharm se gardan meri KHam ho gai
dekhna mere tasawwur ka kamal
aarzu-e-dil mujassam ho gai
der tak milte rahe qalb-o-nazar
guftugu kuchh aaj baham ho gai
chheD dena ho gaya 'shankar' sitam
zulf un ki aur barham ho gai
- Book : Dair-o-Haram (Pg. 289)
- Author : Shankar Lal Shankar
- Publication : Sahir Hoshiyaar puri
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
