سوز غم بھی نہیں فغاں بھی نہیں
سوز غم بھی نہیں فغاں بھی نہیں
جل بجھی آگ اب دھواں بھی نہیں
تو بظاہر وہ مہرباں بھی نہیں
منتیں میری رائیگاں بھی نہیں
جانے کیوں تم سے کچھ نہیں کہتے
ورنہ ہم اتنے بے زباں بھی نہیں
وہ نگاہیں کہ بے نیاز بھی ہیں
اور ان سے کہیں اماں بھی نہیں
دیدہ و دل ہیں کب سے چشم براہ
کوئی افتاد ناگہاں بھی نہیں
اے خوشا کاروبار شوق سرورؔ
نفع کچھ ہو نہ ہو زیاں بھی نہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
