soz-e-shuur-e-ishq ata ho to baat kar

soz-e-shu.ūr-e-ishq atā ho to baat kar

tere bhī dil meñ ḳhauf-e-ḳhudā ho to baat kar

ḳhushbū kī tarah mujh se judā ho na is tarah

sarzad jo mujh se koī ḳhatā ho to baat kar

phir tū samajh sakegā mohabbat hai kyā balā

tere bhī dil meñ dard uThā ho to baat kar

maiñ ne sahī haiñ apne parā.e kī talḳhiyāñ

shīsha anā kā TuuT gayā ho to baat kar

tapte laboñ pe ek tabassum sā khil uThe

lahje meñ tere aisī sadā ho to baat kar

shīshe mire makān ke sab chuur ho ga.e

patthar tire bhī ghar meñ girā ho to baat kar

'sājid' jo sab ke dil meñ utar jaa.e tiir sā

tū ne bhī aisā sher kahā ho to baat kar

soz-e-shuur-e-ishq ata ho to baat kar

tere bhi dil mein KHauf-e-KHuda ho to baat kar

KHushbu ki tarah mujh se juda ho na is tarah

sarzad jo mujh se koi KHata ho to baat kar

phir tu samajh sakega mohabbat hai kya bala

tere bhi dil mein dard uTha ho to baat kar

main ne sahi hain apne parae ki talKHiyan

shisha ana ka TuT gaya ho to baat kar

tapte labon pe ek tabassum sa khil uThe

lahje mein tere aisi sada ho to baat kar

shishe mere makan ke sab chur ho gae

patthar tere bhi ghar mein gira ho to baat kar

'sajid' jo sab ke dil mein utar jae tir sa

tu ne bhi aisa sher kaha ho to baat kar