sozish dil se muft galte hain

sozish dil se muft galte haiñ

daaġh jaise charāġh julte haiñ

is tarah dil gayā ki ab tak ham

baiThe rote haiñ haath milte haiñ

bharī aatī haiñ aaj yuuñ āñkheñ

jaise dariyā kahīñ ubalte haiñ

dam-e-āḳhir hai baiTh jā mat jā

sabr kar Tak ki ham bhī chalte haiñ

tere be-ḳhud jo haiñ so kyā chīteñ

aise Duube kahīñ uchhalte haiñ

fitna dar-sar-e-hashr-e-ḳhirām

haa.e re kis Thasak se chalte haiñ

nazar uThtī nahīñ ki jab ḳhūbāñ

sote se uTh ke aañkh milte haiñ

is sar-e-zulf kā ḳhayāl na chhoḌ

saañp ke sar hī yaañ kuchalte haiñ

the jo aġhyār sañg siine ke

ab to kuchh ham ko dekh Talte haiñ

sham'-rū mom ke bane haiñ magar

garm Tak maliye to pighalte haiñ

'mīr'-sāhib ko dekhiye jo bane

ab bahut ghar se kam nikalte haiñ

sozish dil se muft galte hain

dagh jaise charagh julte hain

is tarah dil gaya ki ab tak hum

baiThe rote hain hath milte hain

bhari aati hain aaj yun aankhen

jaise dariya kahin ubalte hain

dam-e-aKHir hai baiTh ja mat ja

sabr kar Tak ki hum bhi chalte hain

tere be-KHud jo hain so kya chiten

aise Dube kahin uchhalte hain

fitna dar-sar-e-hashr-e-KHiram

hae re kis Thasak se chalte hain

nazar uThti nahin ki jab KHuban

sote se uTh ke aankh milte hain

is sar-e-zulf ka KHayal na chhoD

sanp ke sar hi yan kuchalte hain

the jo aghyar sang sine ke

ab to kuchh hum ko dekh Talte hain

sham'-ru mom ke bane hain magar

garm Tak maliye to pighalte hain

'mir'-sahib ko dekhiye jo bane

ab bahut ghar se kam nikalte hain