subh-dam hai ye tabiat kaisi

sub.h-dam hai ye tabī.at kaisī

ḳhair udāsī se shikāyat kaisī

kyā koī ḳhvāb abhī dekhā thā

aañkh maltī hai haqīqat kaisī

dil ne ik vasl-e-musalsal pā kar

talḳh kar lī hai mohabbat kaisī

be-dhaḌak dil ko dukhāyā kiije

is ināyat kī ijāzat kaisī

yaad aatā hai ḳhudā pal pal pal

aisī hālat meñ ibādat kaisī

ḳhud se do-chār huā karte haiñ

ham ko fursat meñ farāġhat kaisī

dil se utrā huā hai kyuuñ dil bhī

aisī bātoñ kī vazāhat kaisī

ḳhud se mansūb kiyā kyā kyā kuchh

shā.irī meñ hai suhūlat kaisī

ahl-e-dil aql ke dushman Thahre

ham ko ai dost nasīhat kaisī

zindagī ḳhud meñ 'amar' ḳhush thī bahut

maut ne kar dī sharārat kaisī

subh-dam hai ye tabiat kaisi

KHair udasi se shikayat kaisi

kya koi KHwab abhi dekha tha

aankh malti hai haqiqat kaisi

dil ne ek wasl-e-musalsal pa kar

talKH kar li hai mohabbat kaisi

be-dhaDak dil ko dukhaya kije

is inayat ki ijazat kaisi

yaad aata hai KHuda pal pal pal

aisi haalat mein ibaadat kaisi

KHud se do-chaar hua karte hain

hum ko fursat mein faraghat kaisi

dil se utra hua hai kyun dil bhi

aisi baaton ki wazahat kaisi

KHud se mansub kiya kya kya kuchh

shairi mein hai suhulat kaisi

ahl-e-dil aql ke dushman Thahre

hum ko ai dost nasihat kaisi

zindagi KHud mein 'amar' KHush thi bahut

maut ne kar di shararat kaisi