subh-dam roti jo teri bazm se jati hai shama

sub.h-dam rotī jo terī bazm se jaatī hai sham.a

saaf mere soz-e-ġham kā rañg dikhlātī hai sham.a

jis tarah kaale ke man ke rū-ba-rū gul ho charāġh

dekh kar ta.avīz-e-zulf-e-yār bujh jaatī hai sham.a

sirf parvāna adab se dam-ba-ḳhud rahtā nahīñ

tere ro.ab-e-husn se mahfil meñ tharrātī hai sham.a

gher lete haiñ tujhe parvāne us ko chhoḌ kar

jis meñ tū ho kab faroġh us bazm meñ paatī hai sham.a

kārband-e-adl hote haiñ jo haiñ raushan-dimāġh

bazm meñ har samt yaksāñ nuur pahuñchātī hai sham.a

parda-e-fānūs se bāhar nahīñ rakhtī qadam

rū-ba-rū tere ruḳh-e-raushan ke sharmātī hai sham.a

jā-e-girya sohbat-e-ahle--tamāshā hai 'asar'

hai bajā rotī huī jo bazm meñ aatī hai sham.a

subh-dam roti jo teri bazm se jati hai shama

saf mere soz-e-gham ka rang dikhlati hai shama

jis tarah kale ke man ke ru-ba-ru gul ho charagh

dekh kar tawiz-e-zulf-e-yar bujh jati hai shama

sirf parwana adab se dam-ba-KHud rahta nahin

tere roab-e-husn se mahfil mein tharraati hai shama

gher lete hain tujhe parwane us ko chhoD kar

jis mein tu ho kab farogh us bazm mein pati hai shama

karband-e-adl hote hain jo hain raushan-dimagh

bazm mein har samt yaksan nur pahunchati hai shama

parda-e-fanus se bahar nahin rakhti qadam

ru-ba-ru tere ruKH-e-raushan ke sharmati hai shama

ja-e-girya sohbat-e-ahle--tamasha hai 'asar'

hai baja roti hui jo bazm mein aati hai shama