subh-e-bahaar-e-gham ki kabhi sham dekhna

sub.h-e-bahār-e-ġham kī kabhī shaam dekhnā

āġhāz dekhnā kabhī anjām dekhnā

hastī ġham-e-jahāñ ġham-e-jānāñ meñ kaT ga.ī

likkhā thā kab nasīb meñ ārām dekhnā

terā ḳhulūs terī mohabbat tirī nazar

kar degī ek din hameñ badnām dekhnā

tauba ke baad raqs meñ paimāne aa ga.e

hasrat bharī nigāh se phir jaam dekhnā

'ambar' kabhī kisī se na tum TuuT kar milo

ik roz tum pe aa.egā ilzām dekhnā

subh-e-bahaar-e-gham ki kabhi sham dekhna

aaghaz dekhna kabhi anjam dekhna

hasti gham-e-jahan gham-e-jaanan mein kaT gai

likkha tha kab nasib mein aaram dekhna

tera KHulus teri mohabbat teri nazar

kar degi ek din hamein badnam dekhna

tauba ke baad raqs mein paimane aa gae

hasrat bhari nigah se phir jam dekhna

'ambar' kabhi kisi se na tum TuT kar milo

ek roz tum pe aaega ilzam dekhna