subh-e-mahshar bhi gawara nahin furqat meri

sub.h-e-mahshar bhī gavārā nahīñ furqat merī

mujh se rah rah ke lipaT jaatī hai turbat meñ

rañj detā hai mazā vo hai tabī.at merī

chain likhtī hai mire vāste qismat merī

aa ke Thukrā ga.e kis naaz se turbat merī

na khulī aañkh mirī haa.e rī ġhaflat merī

koī aatā hai kahīñ aise siyah-ḳhāne meñ

mere ghar kā hai ujālā shab-e-furqat merī

sadqe ai tamkanat-e-nāz dikhā de mujh ko

haa.e vo aañkh na ho jis meñ muravvat merī

kyā niDar ho ke shab-e-vasl vo aa baiThe haiñ

jānte haiñ ki bachā legī nazākat merī

jitne dil ḳhaak hue roz-e-azal se ab tak

aaj un sab kā nishāñ detī hai turbat merī

mai-o-māshūq nahīñ aap meñ rahne dete

ba.ad-e-tauba bhī badal jaatī hai niyyat merī

is tarah hashr meñ aayā huuñ lahad se uTh kar

ki farishte nahīñ pahchānte sūrat merī

hashr meñ pesh-e-nazar hoñge butān-e-kāfir

mujhe Dar hai na bigaḌ jaa.e tabī.at merī

dhoke detī hai burī tarah ye logoñ ko 'riyāz'

miltī-jultī hai bahut ḳhizr se sūrat merī

subh-e-mahshar bhi gawara nahin furqat meri

mujh se rah rah ke lipaT jati hai turbat mein

ranj deta hai maza wo hai tabiat meri

chain likhti hai mere waste qismat meri

aa ke Thukra gae kis naz se turbat meri

na khuli aankh meri hae ri ghaflat meri

koi aata hai kahin aise siyah-KHane mein

mere ghar ka hai ujala shab-e-furqat meri

sadqe ai tamkanat-e-naz dikha de mujh ko

hae wo aankh na ho jis mein murawwat meri

kya niDar ho ke shab-e-wasl wo aa baiThe hain

jaante hain ki bacha legi nazakat meri

jitne dil KHak hue roz-e-azal se ab tak

aaj un sab ka nishan deti hai turbat meri

mai-o-mashuq nahin aap mein rahne dete

baad-e-tauba bhi badal jati hai niyyat meri

is tarah hashr mein aaya hun lahad se uTh kar

ki farishte nahin pahchante surat meri

hashr mein pesh-e-nazar honge butan-e-kafir

mujhe Dar hai na bigaD jae tabiat meri

dhoke deti hai buri tarah ye logon ko 'riyaz'

milti-julti hai bahut KHizr se surat meri