subh-e-nushur kyun meri aankhon mein nur aa gaya

sub.h-e-nushūr kyuuñ mirī āñkhoñ meñ nuur aa gayā

terī naqāb ulaT ga.ī yā koh-e-tūr aa gayā

vo bhī ajiib vaqt thā mujh pe hayāt tañg thī

lekin usī azaab meñ jiinā zarūr aa gayā

tum ne to koh-qāf meñ umr-e-azīz kaaT dī

lekin vo tifl kyā kare jis ko shu.ūr aa gayā

is arsa-e-hijāb kī āḳhir ko had bhī hai kahīñ

terī talāsh meñ koī duniyā se duur aa gayā

duniyā ko dekh dekh ke apnī vaz.a badal ga.ī

varna vo nuur maiñ hī thā jo sar-e-tūr aa gayā

zāhid use burā na kah maanā ki rañg surḳh hai

āñkhoñ se mai chhalak ga.ī dil ko surūr aa gayā

subh-e-nushur kyun meri aankhon mein nur aa gaya

teri naqab ulaT gai ya koh-e-tur aa gaya

wo bhi ajib waqt tha mujh pe hayat tang thi

lekin usi azab mein jina zarur aa gaya

tum ne to koh-qaf mein umr-e-aziz kaT di

lekin wo tifl kya kare jis ko shuur aa gaya

is arsa-e-hijab ki aaKHir ko had bhi hai kahin

teri talash mein koi duniya se dur aa gaya

duniya ko dekh dekh ke apni waza badal gai

warna wo nur main hi tha jo sar-e-tur aa gaya

zahid use bura na kah mana ki rang surKH hai

aankhon se mai chhalak gai dil ko surur aa gaya