subh-e-safar ka raaz kisi par yahan na khol

sub.h-e-safar kā raaz kisī par yahāñ na khol

tūfāñ hai pāniyoñ meñ abhī bādbāñ na khol

pasmāñdgāñ pe chhoḌ ki DhūñDeñ nuqūsh-e-pā

jo sañg-o-ḳhisht haiñ tah-e-āb-e-ravāñ na khol

maiñ ne sarāb-e-fahm ke sab raaz pā liye

ab laakh mujh pe uqda-e-haft-āsmāñ na khol

sab kuchh yahāñ hai chashm-e-ḳharīdār kī pasand

uzr-e-matā-e-dard agar hai dukāñ na khol

shāḳh-e-shajar pe sho.ala-e-ḳhurshīd bujh to le

kuchh der tīrgī pe dar-e-ḳhāk-dāñ na khol

har bazm kyuuñ numā.ish-e-zaḳhm-e-hunar bane

har bhed apne dostoñ ke darmiyāñ na khol

'shāhid' hisār-e-jail pe teshe se vaar kar

in pattharoñ ke rū-ba-rū apnī zabāñ na khol

subh-e-safar ka raaz kisi par yahan na khol

tufan hai paniyon mein abhi baadban na khol

pasmandgan pe chhoD ki DhunDen nuqush-e-pa

jo sang-o-KHisht hain tah-e-ab-e-rawan na khol

main ne sarab-e-fahm ke sab raaz pa liye

ab lakh mujh pe uqda-e-haft-asman na khol

sab kuchh yahan hai chashm-e-KHaridar ki pasand

uzr-e-mata-e-dard agar hai dukan na khol

shaKH-e-shajar pe shoala-e-KHurshid bujh to le

kuchh der tirgi pe dar-e-KHak-dan na khol

har bazm kyun numaish-e-zaKHm-e-hunar bane

har bhed apne doston ke darmiyan na khol

'shahid' hisar-e-jail pe teshe se war kar

in pattharon ke ru-ba-ru apni zaban na khol