subh ke barah baje raat ka matlab samjhe

sub.h ke bārah baje raat kā matlab samjhe

koī ai kaash mirī baat kā matlab samjhe

mere bistar pe paḌī haiñ mirī bhīgī āñkheñ

us se kah do ki vo barsāt kā matlab samjhe

ek shā'ir huuñ yahī nām-o-nasab hai merā

par yahāñ kaun mirī zaat kā matlab samjhe

der se ham pe khule vasf tire shajre ke

der se ham tirī auqāt kā matlab samjhe

zeb-tan maañ ne hī kar rakkhā hai jiddat kā libās

beTī phir kaise rivāyāt kā matlab samjhe

bad-‘amal jitne haiñ vo sāhab-e-masnad haiñ yahāñ

aise meñ kaun mukāfāt kā matlab samjhe

ḳhutba zainab ne diyā jab sar-e-darbār-e-yazīd

nā-samajh tab kahīñ sādāt kā matlab samjhe

jis kā maqsūm safā marva na kā'be kā tavāf

kaise 'vāsif' vo bhalā saat kā matlab samjhe

subh ke barah baje raat ka matlab samjhe

koi ai kash meri baat ka matlab samjhe

mere bistar pe paDi hain meri bhigi aankhen

us se kah do ki wo barsat ka matlab samjhe

ek sha'ir hun yahi nam-o-nasab hai mera

par yahan kaun meri zat ka matlab samjhe

der se hum pe khule wasf tere shajre ke

der se hum teri auqat ka matlab samjhe

zeb-tan man ne hi kar rakkha hai jiddat ka libas

beTi phir kaise riwayat ka matlab samjhe

bad-‘amal jitne hain wo sahab-e-masnad hain yahan

aise mein kaun mukafat ka matlab samjhe

KHutba zainab ne diya jab sar-e-darbar-e-yazid

na-samajh tab kahin sadat ka matlab samjhe

jis ka maqsum safa marwa na ka'be ka tawaf

kaise 'wasif' wo bhala sat ka matlab samjhe