sub.h ko hai agar to shaam nahīñ
zindagī kā koī qiyām nahīñ
jam.a kartī huuñ daulat-e-duniyā
kyā mirā ye ḳhayāl-e-ḳhām nahīñ
ahl-e-duniyā se duur rahtī huuñ
ārzū-e-numūd-o-nām nahīñ
ham ne ek ik ko aazmā dekhā
dostoñ meñ vafā kā naam nahīñ
jis se uqbā merī sañvar jaatī
zindagī meñ huā vo kaam nahīñ
jā-e-ibrat hai ye jahān 'nazar'
dil lagāne kā ye maqām nahīñ
subh ko hai agar to sham nahin
zindagi ka koi qiyam nahin
jama karti hun daulat-e-duniya
kya mera ye KHayal-e-KHam nahin
ahl-e-duniya se dur rahti hun
aarzu-e-numud-o-nam nahin
hum ne ek ek ko aazma dekha
doston mein wafa ka nam nahin
jis se uqba meri sanwar jati
zindagi mein hua wo kaam nahin
ja-e-ibrat hai ye jahan 'nazar'
dil lagane ka ye maqam nahin
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.