subh main sau kar uTha khaya piya kal ki tarah

sub.h maiñ sau kar uThā khāyā piyā kal kī tarah

zindagī pyārī thī mujh ko jī liyā kal kī tarah

jo milā hañs kar mile us se ḳhudā-hāfiz kahā

aaj bhī jaarī rahī mashq-e-riyā kal kī tarah

ham ne apne jī meñ Thānī aur ye kahte hue

jo na karnā thā vahī sab kar liyā kal kī tarah

aaj bhī kahte haiñ mujh ko log achchhā aadmī

aaj bhī ban kar rahā huuñ bahrūpiyā kal kī tarah

ḳhud se milne ke liye tanhā.ī kitnī chāhiye

aaj bhī paayā na maiñ ne taḳhliya kal kī tarah

piir ruumī aaj phir nikle haiñ kis kī khoj meñ

apne hāthoñ meñ liye jaltā diyā kal kī tarah

subh main sau kar uTha khaya piya kal ki tarah

zindagi pyari thi mujh ko ji liya kal ki tarah

jo mila hans kar mile us se KHuda-hafiz kaha

aaj bhi jari rahi mashq-e-riya kal ki tarah

hum ne apne ji mein Thani aur ye kahte hue

jo na karna tha wahi sab kar liya kal ki tarah

aaj bhi kahte hain mujh ko log achchha aadmi

aaj bhi ban kar raha hun bahrupiya kal ki tarah

KHud se milne ke liye tanhai kitni chahiye

aaj bhi paya na main ne taKHliya kal ki tarah

pir rumi aaj phir nikle hain kis ki khoj mein

apne hathon mein liye jalta diya kal ki tarah