subh rangin-o-jawan sham suhani mange

sub.h rañgīn-o-javāñ shaam suhānī māñge

dil-e-betāb ki terī hī kahānī māñge

koī dekhe ye mirā ālam-e-jaulānī-e-tab.a

jis tarah āb-e-ravāñ aap ravānī māñge

ḳhūgar-e-aish nahīñ fitrat-e-shorīda-sarāñ

ġham-o-andoh-talab soz-e-nihānī māñge

dasht-e-ġhurbat meñ un āñkhoñ kī namī yaad aa.e

tishna-lab jaise koī sahrā se paanī māñge

shūmī-e-zīst ki ye aaj zuleḳhā kī tarah

kāsa-e-umr meñ lamhāt-e-javānī māñge

apne ḳhvāboñ pe hai sharminda shab-e-ġham-dīda

sub.h-e-ma.asūm usī shab kī kahānī māñge

ġhuncha-e-shauq 'shamīm' aaj khilā hai shāyad

dil-e-vahshat-zada ḳhūñ-nāba-fashānī māñge

subh rangin-o-jawan sham suhani mange

dil-e-betab ki teri hi kahani mange

koi dekhe ye mera aalam-e-jaulani-e-taba

jis tarah aab-e-rawan aap rawani mange

KHugar-e-aish nahin fitrat-e-shorida-saran

gham-o-andoh-talab soz-e-nihani mange

dasht-e-ghurbat mein un aankhon ki nami yaad aae

tishna-lab jaise koi sahra se pani mange

shumi-e-zist ki ye aaj zuleKHa ki tarah

kasa-e-umr mein lamhat-e-jawani mange

apne KHwabon pe hai sharminda shab-e-gham-dida

subh-e-masum usi shab ki kahani mange

ghuncha-e-shauq 'shamim' aaj khila hai shayad

dil-e-wahshat-zada KHun-naba-fashani mange