subh tak raqs-kunan bint-e-inab dekhenge

sub.h tak raqs-kunāñ bint-e-inab dekheñge

aaj vo turfa-tamāshā hai ki sab dekheñge

ġham-e-jānāñ ke ishāroñ kā taqāzā hai yahī

ġham-e-daurāñ nahīñ dekhā thā to ab dekheñge

hamdamo baaġh meñ har saal bahār aa.egī

ab nahīñ dekhne pā.eñge to jab dekheñge

sab hameñ ā.ina-e-husn-e-butāñ kahte haiñ

dekhnā ye hai ki is samt vo kab dekheñge

yuuñ na dekheñge vo ham naġhma-garoñ kī jānib

saaz meñ teġh kī jhankār ho jab dekheñge

raat ko jashn-e-charāġhāñ meñ magar parvāne

din guzāreñge to hangāma-e-shab dekheñge

rakh diyā aaj dar-e-yār pe sar 'ābid' ne

aaj vo turfa-tamāsha hai ki sab dekheñge

subh tak raqs-kunan bint-e-inab dekhenge

aaj wo turfa-tamasha hai ki sab dekhenge

gham-e-jaanan ke ishaaron ka taqaza hai yahi

gham-e-dauran nahin dekha tha to ab dekhenge

hamdamo bagh mein har sal bahaar aaegi

ab nahin dekhne paenge to jab dekhenge

sab hamein aaina-e-husn-e-butan kahte hain

dekhna ye hai ki is samt wo kab dekhenge

yun na dekhenge wo hum naghma-garon ki jaanib

saz mein tegh ki jhankar ho jab dekhenge

raat ko jashn-e-charaghan mein magar parwane

din guzarenge to hangama-e-shab dekhenge

rakh diya aaj dar-e-yar pe sar 'abid' ne

aaj wo turfa-tamasha hai ki sab dekhenge