subuk sa dard tha uThta raha jo zaKHmon se
subuk sā dard thā uThtā rahā jo zaḳhmoñ se
to ham bhī karte rahe chheḌ-chhāḌ ashkoñ se
sabhī ko zaḳhm-e-tamannā dikhā ke dekh liye
ḳhudā se daad milī aur na us ke bandoñ se
dhuāñ sā uThne lagā fikr-o-fan ke aivāñ meñ
lahū kī baas sī aane lagī hai sheroñ se
ab in se dekhiye kab manzileñ huvaidā hoñ
uThā ke laayā huuñ kuchh naqsh terī rāhoñ se
bilak rahā hai nigāhoñ meñ hasratoñ kā hujūm
laTak rahī haiñ patañgeñ udaas khamboñ se
ab aur kis se tire ġham kā tazkira karte
tamām-rāt rahī guftugū sitāroñ se
bas ek jast meñ aflāk se nikal jā.ūñ
phalāñg jā.ūñ zamīñ ko maiñ chaar qadmoñ se
subuk sa dard tha uThta raha jo zaKHmon se
to hum bhi karte rahe chheD-chhaD ashkon se
sabhi ko zaKHm-e-tamanna dikha ke dekh liye
KHuda se dad mili aur na us ke bandon se
dhuan sa uThne laga fikr-o-fan ke aiwan mein
lahu ki bas si aane lagi hai sheron se
ab in se dekhiye kab manzilen huwaida hon
uTha ke laya hun kuchh naqsh teri rahon se
bilak raha hai nigahon mein hasraton ka hujum
laTak rahi hain patangen udas khambon se
ab aur kis se tere gham ka tazkira karte
tamam-raat rahi guftugu sitaron se
bas ek jast mein aflak se nikal jaun
phalang jaun zamin ko main chaar qadmon se
- Book : Apne Ghar Tak Aa Pauhncha Hoon (Pg. 23)
- Author : Aslam Habib
- Publication : Educational Publishing House, Delhi (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
