suhulat kam pareshani bahut hai

suhūlat kam pareshānī bahut hai

mohabbat meñ ye āsānī bahut hai

bahut lagtī hai dil ko is liye bhī

tumhārī baat lā-yānī bahut hai

use ḳhatra hai pyāsā dāman-e-dil

hamārī aañkh meñ paanī bahut hai

yahīñ kar lete haiñ sahrā-navardī

hamāre ghar meñ vīrānī bahut hai

ye manzar hī kuchh aisā hai ki yā phir

mirī āñkhoñ meñ uryānī bahut hai

chale jaanā hai is bastī se ham ne

ye bastī ham ko yaad aanī bahut hai

samajhtā hī nahīñ vo shaḳhs 'nāmī'

use har baat samjhānī bahut hai

suhulat kam pareshani bahut hai

mohabbat mein ye aasani bahut hai

bahut lagti hai dil ko is liye bhi

tumhaari baat la-yani bahut hai

use KHatra hai pyasa daman-e-dil

hamari aankh mein pani bahut hai

yahin kar lete hain sahra-nawardi

hamare ghar mein virani bahut hai

ye manzar hi kuchh aisa hai ki ya phir

meri aankhon mein uryani bahut hai

chale jaana hai is basti se hum ne

ye basti hum ko yaad aani bahut hai

samajhta hi nahin wo shaKHs 'nami'

use har baat samjhani bahut hai