suKHan ek na-shunida mein nida hone se pahle tha

suḳhan ik nā-shunīda meñ nidā hone se pahle thā

ki jaise harf-e-haq pinhāñ sadā hone se pahle thā

udhar fir.auniyat kaafī hai terī rū-siyāhī ko

idhar tū banda-e-sarkash ḳhudā hone se pahle thā

dar-e-tauba khulā hai ab ġhalat hai sochnā terā

bahut ma.asūm tū shāyad sazā hone se pahle thā

mirī sīrat kī ḳhushbū ab havāoñ meñ mahaktī hai

magar maiñ itr-e-tanhā.ī sabā hone se pahle thā

ilāha aur illā kā aqīda ain īmāñ hai

mirī rag rag meñ ye maujūd lā hone se pahle thā

anāsir muttahid the jauharī zarrāt yakjā the

sabhī ko intizār-e-kun ḳhalā hone se pahle thā

suKHan ek na-shunida mein nida hone se pahle tha

ki jaise harf-e-haq pinhan sada hone se pahle tha

udhar firauniyat kafi hai teri ru-siyahi ko

idhar tu banda-e-sarkash KHuda hone se pahle tha

dar-e-tauba khula hai ab ghalat hai sochna tera

bahut masum tu shayad saza hone se pahle tha

meri sirat ki KHushbu ab hawaon mein mahakti hai

magar main itr-e-tanhai saba hone se pahle tha

ilaha aur illa ka aqida ain iman hai

meri rag rag mein ye maujud la hone se pahle tha

anasir muttahid the jauhari zarraat yakja the

sabhi ko intizar-e-kun KHala hone se pahle tha