سخن میں تازگی و انبساط برقرار ہے

سخن میں تازگی و انبساط برقرار ہے

سماعتوں میں اس لئے نشاط برقرار ہے

بلا لیا جو بزم میں خبر بھی لیجیے ذرا

ہمارے ذہن میں وہ اختلاط برقرار ہے

گمان میں لیے خوشی ہر اک امید کھو گئی

جو درمیاں تھا اب وہ انحطاط برقرار ہے

میں کیا کروں ستم شعار لوگ آس پاس ہیں

مکالمے میں ان سے احتیاط برقرار ہے

حضور مشق کیجیے غزل کی صنف ہے کٹھن

ہمیشہ بہتری کا اک صراط برقرار ہے

نئی نئی زمین میں کہی ہے یہ غزل مگر

سخن میں کمتری کا ارتباط برقرار ہے