suKHan suKHan jo kisi karb se ibarat tha

suḳhan suḳhan jo kisī karb se ibārat thā

maiñ lafz lafz ḳhud apnī hī to hikāyat thā

ḳhyāl-e-vahm kī sūrat bhī kyā haqīqat thā

vo duur duur thā to kitnā ḳhūb-sūrat thā

har ik ba-nām-e-mohabbat ḳhulūs kī ḳhātir

har ek dūsre ke vāste musībat thā

vajūd-e-lafz-o-ma.anī sukūn-e-jāñ kahiye

ḳhud apnī zaat meñ har harf ik aziyyat thā

lapakte sho.aloñ meñ jalte rahe ḳhutūt magar

ik ek harf pukārā hai maiñ mohabbat thā

use darāzi-e-qad par bahut ġhurūr huā

sunā hai us meñ bhī pahlū husūl-e-shohrat thā

hazār us se ḳhafā hoñ burā kaheñ lekin

'shamīm' shaḳhs thā kyā ḳhuub dam ġhanīmat thā

suKHan suKHan jo kisi karb se ibarat tha

main lafz lafz KHud apni hi to hikayat tha

KHyal-e-wahm ki surat bhi kya haqiqat tha

wo dur dur tha to kitna KHub-surat tha

har ek ba-nam-e-mohabbat KHulus ki KHatir

har ek dusre ke waste musibat tha

wajud-e-lafz-o-mani sukun-e-jaan kahiye

KHud apni zat mein har harf ek aziyyat tha

lapakte shoalon mein jalte rahe KHutut magar

ek ek harf pukara hai main mohabbat tha

use daraazi-e-qad par bahut ghurur hua

suna hai us mein bhi pahlu husul-e-shohrat tha

hazar us se KHafa hon bura kahen lekin

'shamim' shaKHs tha kya KHub dam ghanimat tha