suKHan-wari hamein kab tajribe se aai hai
suḳhan-varī hameñ kab tajribe se aa.ī hai
zabāñ meñ chāshnī dil TūTne se aa.ī hai
jidhar se merā badan dhuup chaaT kar guzrā
havā-e-sard usī rāste se aa.ī hai
taḌaptā maiñ huuñ pasīna hai us ke māthe par
shikast-e-dil kī sadā aa.ine se aa.ī hai
khulā subūt hai ye dushmanoñ ke shab-ḳhūñ kā
ki dhuul Thahre hue qāfile se aa.ī hai
safar meñ saath mirā aur koī kyā detā
havā bhī merī taraf sāmne se aa.ī hai
sahar ne mujh ko 'muzaffar' nahīñ kiyā saiqal
mirī nazar meñ chamak ratjage se aa.ī hai
suKHan-wari hamein kab tajribe se aai hai
zaban mein chashni dil TuTne se aai hai
jidhar se mera badan dhup chaT kar guzra
hawa-e-sard usi raste se aai hai
taDapta main hun pasina hai us ke mathe par
shikast-e-dil ki sada aaine se aai hai
khula subut hai ye dushmanon ke shab-KHun ka
ki dhul Thahre hue qafile se aai hai
safar mein sath mera aur koi kya deta
hawa bhi meri taraf samne se aai hai
sahar ne mujh ko 'muzaffar' nahin kiya saiqal
meri nazar mein chamak ratjage se aai hai
- Book : Kalam-e- muzaffar warsi (Pg. 50)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
