sukun kahin bhi nahin bazm-e-kaamrani mein

sukūñ kahīñ bhī nahīñ bazm-e-kāmrānī meñ

masāfateñ nahīñ tai hotīñ lā-makānī meñ

diloñ meñ nuur hai tarsīl-e-gosh-e-kar bhī ho

payām jaate nahīñ tarz-e-lan-tarānī meñ

maiñ huuñ fidā-e-ḳhumār-e-'alas-sabāhī ab

koī na lutf bachā jām-e-arġhavānī meñ

ḳhudī hamesha muqābil rahī hai tūfāñ kī

yaqīn is ko nahīñ bād-o-bādbānī meñ

ġhurūr-o-zo'm-e-tajāhul tumheñ miTā degā

falak-gazīda bahut dekhe ḳhush-gumānī meñ

jahāñ sunī thī kabhī dāstān-e-fariyādī

koī nifāq nashista hai be-zabānī meñ

kahe hai 'āhan'-e-dil-gashta harf-e-shīrīñ jo

huzūr-e-zehn se samjheñge kam-lisānī meñ

sukun kahin bhi nahin bazm-e-kaamrani mein

masafaten nahin tai hotin la-makani mein

dilon mein nur hai tarsil-e-gosh-e-kar bhi ho

payam jate nahin tarz-e-lan-tarani mein

main hun fida-e-KHumar-e-'alas-sabahi ab

koi na lutf bacha jam-e-arghawani mein

KHudi hamesha muqabil rahi hai tufan ki

yaqin is ko nahin baad-o-baadbani mein

ghurur-o-zo'm-e-tajahul tumhein miTa dega

falak-gazida bahut dekhe KHush-gumani mein

jahan suni thi kabhi dastan-e-fariyaadi

koi nifaq nashista hai be-zabani mein

kahe hai 'ahan'-e-dil-gashta harf-e-shirin jo

huzur-e-zehn se samjhenge kam-lisani mein