سکوں کہیں بھی نہیں بزم کامرانی میں

سکوں کہیں بھی نہیں بزم کامرانی میں

مسافتیں نہیں طے ہوتیں لا مکانی میں

دلوں میں نور ہے ترسیل گوش کر بھی ہو

پیام جاتے نہیں طرز لن ترانی میں

میں ہوں فدائے خمار علی الصباحی اب

کوئی نہ لطف بچا جام ارغوانی میں

خودی ہمیشہ مقابل رہی ہے طوفاں کی

یقین اس کو نہیں باد و بادبانی میں

غرور و زعم تجاہل تمہیں مٹا دے گا

فلک گزیدہ بہت دیکھے خوش گمانی میں

جہاں سنی تھی کبھی داستان فریادی

کوئی نفاق نشستہ ہے بے زبانی میں

کہے ہے آہنؔ دل گشتہ حرف شیریں جو

حضور ذہن سے سمجھیں گے کم لسانی میں