sukun ki mauj uThi shor-o-shar rawana hua

sukūñ kī mauj uThī shor-o-shar ravāna huā

mirā varūd harīfoñ ko tāziyāna huā

ba-pās-e-vaz.a mirā maslak-e-vafā hai vahī

agarche aap ko badle hue zamāna huā

ḳhushā vo sar ki jhukā jo had-e-ta.ayyun meñ

zahe vo sajda ki jo sarf-e-āstāna huā

sitam kiyā jo ba-manshā-e-dushmanī tū ne

mirī taraf se javāb us kā muḳhlisāna huā

ġham-e-hayāt kī derīna sarguzisht na pūchh

tirī nigāh ko badle hue zamāna huā

vo un se pā.egā dād-e-kalām ai 'nudrat'

mazāq jis kī tabī.at kā āshiqāna huā

sukun ki mauj uThi shor-o-shar rawana hua

mera warud harifon ko taziyana hua

ba-pas-e-waza mera maslak-e-wafa hai wahi

agarche aap ko badle hue zamana hua

KHusha wo sar ki jhuka jo had-e-tayyun mein

zahe wo sajda ki jo sarf-e-astana hua

sitam kiya jo ba-mansha-e-dushmani tu ne

meri taraf se jawab us ka muKHlisana hua

gham-e-hayat ki derina sarguzisht na puchh

teri nigah ko badle hue zamana hua

wo un se paega dad-e-kalam ai 'nudrat'

mazaq jis ki tabiat ka aashiqana hua