sukun nasib na ho dur iztirab na ho

sukūñ nasīb na ho duur iztirāb na ho

vo dard de mujhe jis kā koī javāb na ho

husūl-e-hāsil-e-ulfat meñ yuuñ ḳharāb na ho

fuzūl dil kahīñ vābastā-e-azāb na ho

sharāb-e-nāb kī har mauj par mujhe shak hai

kisī hasīñ kā machaltā huā shabāb na ho

uThā ba-shauq qadam tishna-kām-e-vādī-e-ishq

tirī nigāh kā hāsil kahīñ sarāb na ho

kisī ke tīr-e-nazar dil meñ is adā se chubheñ

ki zaḳhm gahre paḌeñ dil meñ iztirāb na ho

ye dil-farebī-e-har-barg-e-gul are tauba

jamāl-e-nāz kī bikhrī huī kitāb na ho

javāb-e-arz-e-tamanna se dil rahā mahrūm

vo kyā savāl jo sharminda-e-javāb na ho

jamāl-e-tūr jise kah rahe haiñ ahl-e-jamāl

kahīñ vo husn kā ik partav-e-naqāb na ho

vafā kā shīsha-e-dil bhī hai kitnā nāzuk sā

ajab hunar hai ki is kā koī javāb na ho

jahān-e-dil kā jo zarra hai vo munavvar hai

vo dāġh-e-dil nahīñ jo rashk-e-āftāb na ho

mizāj-e-husn haqīqat meñ ik qayāmat hai

kisī ke shauq meñ insāñ koī ḳharāb na ho

nigāh-e-shauq 'ziyā' ham use na māneñge

jo bārgāh-e-tajalli meñ bāryāb na ho

sukun nasib na ho dur iztirab na ho

wo dard de mujhe jis ka koi jawab na ho

husul-e-hasil-e-ulfat mein yun KHarab na ho

fuzul dil kahin wabasta-e-azab na ho

sharab-e-nab ki har mauj par mujhe shak hai

kisi hasin ka machalta hua shabab na ho

uTha ba-shauq qadam tishna-kaam-e-wadi-e-ishq

teri nigah ka hasil kahin sarab na ho

kisi ke tir-e-nazar dil mein is ada se chubhen

ki zaKHm gahre paDen dil mein iztirab na ho

ye dil-farebi-e-har-barg-e-gul are tauba

jamal-e-naz ki bikhri hui kitab na ho

jawab-e-arz-e-tamanna se dil raha mahrum

wo kya sawal jo sharminda-e-jawab na ho

jamal-e-tur jise kah rahe hain ahl-e-jamal

kahin wo husn ka ek partaw-e-naqab na ho

wafa ka shisha-e-dil bhi hai kitna nazuk sa

ajab hunar hai ki is ka koi jawab na ho

jahan-e-dil ka jo zarra hai wo munawwar hai

wo dagh-e-dil nahin jo rashk-e-aftab na ho

mizaj-e-husn haqiqat mein ek qayamat hai

kisi ke shauq mein insan koi KHarab na ho

nigah-e-shauq 'ziya' hum use na manenge

jo bargah-e-tajalli mein baryab na ho