sukun-o-sabr ki duniya mein nam karta ja

sukūn-o-sabr kī duniyā meñ naam kartā jā

jo ho sakā na kisī se vo kaam kartā jā

nigāh pher ke jā shauq se ḳhudā-hāfiz

kisī ġharīb kā qissa tamām kartā jā

tasavvurāt meñ aa aa ke bhāgne vaale

bahisht-e-qalb-o-nazar meñ qayām kartā jā

guzār dūñgā tire intizār kī ghaḌiyāñ

mujhe asīr-e-ġham-e-sub.h-o-shām kartā jā

'hayāt' ne to faqat tujh se dil lagāyā thā

ye kab kahā thā ki jiinā harām kartā jā

sukun-o-sabr ki duniya mein nam karta ja

jo ho saka na kisi se wo kaam karta ja

nigah pher ke ja shauq se KHuda-hafiz

kisi gharib ka qissa tamam karta ja

tasawwuraat mein aa aa ke bhagne wale

bahisht-e-qalb-o-nazar mein qayam karta ja

guzar dunga tere intizar ki ghaDiyan

mujhe asir-e-gham-e-subh-o-sham karta ja

'hayat' ne to faqat tujh se dil lagaya tha

ye kab kaha tha ki jina haram karta ja