sukun se raat bitate the mauj karte the

sukūñ se raat bitāte the mauj karte the

jab us ke ḳhvāb na aate the mauj karte the

fuzūl aa ga.e sahrā se shahr meñ ham log

vahāñ pe ḳhaak uḌāte the mauj karte the

ghire hue haiñ zamāne ke ab azāboñ se

ye log nāchte gaate the mauj karte the

kisī ke rang meñ Dhalne se ho ga.e be-rang

ham apne rang banāte the mauj karte the

amīr-e-shahr ke pakvān se hue bīmār

namak se roTiyāñ khāte the mauj karte the

ham us kī bazm meñ tāḳhīr se ga.e har baar

jo log vaqt pe aate the mauj karte the

sukun se raat bitate the mauj karte the

jab us ke KHwab na aate the mauj karte the

fuzul aa gae sahra se shahr mein hum log

wahan pe KHak uDate the mauj karte the

ghire hue hain zamane ke ab azabon se

ye log nachte gate the mauj karte the

kisi ke rang mein Dhalne se ho gae be-rang

hum apne rang banate the mauj karte the

amir-e-shahr ke pakwan se hue bimar

namak se roTiyan khate the mauj karte the

hum us ki bazm mein taKHir se gae har bar

jo log waqt pe aate the mauj karte the